Ja kꞌujlal chejiꞌ sok ja tan chichi
Jun ekꞌele ja kꞌujlal chejiꞌ staꞌa bꞌej ja tan chichi, tiꞌ yilaꞌ ke lapan spis-olom ja chichi.
Ti yalaꞌ ja kꞌujlal cheji: — Aꞌaj majtꞌan ja wapis-olomi (ja skacho ja chichi).
Mi skꞌana oj yatꞌan majan ja spis-olom ja tan chichi, pej yajni kꞌumbiꞌ skꞌujul ti yaꞌa tꞌan majanaꞌ.
Peꞌ tiꞌ yalaꞌa ja kꞌujlal cheji: —Tixa majlayon ili, oj waj kajan jun jwelta. — lek chijbꞌi ja tan chichi.
Yajni jula bꞌejyel ja kꞌulal chejiꞌ tiꞌ sjobꞌoyi ja tan chichi:
— ¿Jastal waxa wilaꞌ, lekma wa xkan jbꞌaj?
Tixa yalaꞌ ja chichi:
— jel lek xkana bꞌaj.
Ta jachuk oj waj kajani jun bwelta mas, tixa oj ekꞌ kakanawiꞌa ja wa pis-olomiꞌ, tiniꞌ smajlajel, smajlajel ja chichi mini nunca eljulaꞌ ja kꞌujlal cheji.
Ja yuj ja chichi mi kan spis-olom yuj japjiyiꞌ yuj tan kꞌujlal chejiꞌ, jayuj ja bꞌa yixawil julyo wa xlujbꞌaji ja skacho ja kꞌujlal chejiꞌ.
