Ja pagina iti k'ulub'al ja bꞌa ma wa xk'umani tojol-ab'ali sok ja ma mi xk'umani tojol-ab'ali ke wa sk'anawe' oj sneb'-e' ja jk'umaltik. Ti oj ja ta' ja jastik yi oj ja jk'umaltiki' cho jach oj ja neb'-ex sk'umajel sok ts'ijb'ajel ja tojol-ab'ali, cho jachni ja ma mi xk'umani tojol-ab'ali oj sneb'-e' ja jastik st'inali ja yi'oj k'umal iti sok oj sna'e' jastal wa sts'ijb'axi' ja jk'umaltiki.
Ja sb'ejlal ja tojol-ab'ali "Meran K'umal" ti jakel b'a yech b'a tojol winik ja sb'ejlal ja iti "Meran winik".
Bꞌa kulane'a'
Ja ke'ntikoni ti bꞌajtikon bꞌa Chiapas, bꞌa la norte sok bꞌa este ja bꞌa Chonabꞌi, mojan yi'oj ja Guatemala. Tini aytikon bꞌa municipio jumasa', bꞌa Margarita sok bꞌa Chonabꞌ sok bꞌa Ocosingo sok bꞌa Independencia sok bꞌa Trinitaria. Wa spila' sb'aj bꞌa oxe' luwar: Slujmalil bꞌa mas cha'an sok bꞌa slujmalil bꞌa Lopan sok bꞌa kañada bꞌa Selva Lakondona.
